Ódýr ferðalög

Nú fer senn að líða að sumri og margir eru farnir að hugsa sér til hreyfings. Eflaust hugsa margir sem svo að ferðalög til framandi landa séu hugsunarháttur ársins 2007 og í ár verði aðeins farið í helgarferð út á land. Kannski verður hringvegurinn ekinn í besta falli, enda bensínverðið rokið upp úr öllu valdi og það að fylla tankinn kostar álíka mikið og flugfar fyrir einn aðra leið innanlands. Við þessar aðstæður er kjörið að hugsa út fyrir rammann og leita nýrra leiða til að komast í draumafríið. 2ja vikna sólarlandaferðir til Mallorca þar sem sólin er sleikt og krakkarnir leika sér í sundlaugargarðinum á meðan foreldrarnir hafa það notalegt á bakkanum er ekki það eina sem er í boði. Helsti kostnaðarliðurinn við ferðalög frá Íslandi er fargjaldið sjálft, gisting og afþreying - þó vissulega fari það eftir hvert ferðinni er heitið. Eftirfarandi eru nokkir ferðamöguleikar sem vert er að skoða hafir þú áhuga á að fara í ódýrt frí og upplifa spennandi staði. Á netferdir.net geturðu fundið upplýsingar um einstaklingsferðir, hópferðir, sérferðir og fleira um allan heim, flugmiða, hótel, ferðatryggingar, bílaleigubíla og fleira.